ஸீகா வைரஸ் குறித்த சுகாதார அமைச்சர் அவதானம்

பல்வேறு உலக நாடுகளில் வேகமாக பரவிக்கொண்டிருக்கும் ஸீகா வைரஸிற்கு எதிராக தேவையான நடவடிக்கைகளை எடுக்க தொற்று நோய் பிரிவிற்கு சுகாதாரத்துறை அமைச்சர் ராஜித சேனாரட்ன ஆலோசனை வழங்கியுள்ளார்.

ஸீகா வைரஸ் தொற்று அச்சுறுத்தல் நாட்டில் இல்லாவிட்டாலும் அதற்கான பாதுகாப்பு நடைமுறைகள் பின்பற்றப்பட வேண்டும் என்று அமைச்சர் கூறியுள்ளார்.

அமைச்சர் ராஜித சேனாரட்னவின் தலைமையில், சுகாதார அமைச்சு நிறுவனங்களின் பிரதானிகளுடன் இடம்பெற்ற கூட்டத்தில் அமைச்சர் இதனை கூறியுள்ளார்.

ஸீகா வைரஸை எதிர்கொள்ளக் கூடிய வகையில் தயாராக இருக்குமாறு தொற்று நோய் பிரிவு அதிகாரிகளுக்கு ஆலோசனை வழங்கியுள்ள அமைச்சர், அதன் பாதுகாப்பு வழிமுறைகள் பற்றி மக்களை தெளிவுபடுத்த வேண்டும் என்றும் கூறியுள்ளார்.

Related Posts

About The Author

Add Comment